Alhamdullah, basyukur kito kapdo Allah SWT yang alah mambukakan hati kito untuak bakorban bagi dunsanak kito nan kurang mampu, apo nan bisa kito karajokan, sacapek nyo pulo karajokan. Mako pado tanggal 24 Januari 2009, sacaro perdana Yayasan Palanta Cimbuak manyarahkan beasiswa kapado Yeni Artati, siswa Kelas II SMA N I Batang Anai  Kabupaten Padang Pariaman. Panyarahan Beasiswa Yayasan Palanta Cimbuak oleh Ketua YPC Zamzamir(abakpaja) ditarimo oleh Wakil Kepalo Sakolah  Bpk. Fermazoni S.Pd.

Panyarahan beasiswa dari Yayasan Palanta Cimbuak disambuik gembira oleh dunsanak kito nan manarimo beasiswa dan mangucapkan tarimo kasih sabanyak banyaknyo untuak dunsanak nan lah berpartisipasi di Yayasan Palanta Cimbuak. Samoga beasiswa nan alah ditarimo dapek dimanfaatkan untuak kemajuan pendidikan.  

Yayasan Palanta Cimbuak sangat batarimo kasih ateh bantuan dunsanak sadonyo dalam mambantu program beasiswa untuak dunsanak dunsanak kito di kampuang. Data langkok mengenai beasiswa bisa dunsanak caliak di : <a http://sptt.cimbuak.net. Mengenai pengelolaan nyo , dikalola sacaro transparan. Dunsanak bisa mancaliak siapo sajo nan alah manyumbang jo kama dana beasiswa ko di agiahkan. Untuak beasiswa barikuik nyo akan di laksanakan sacapeknyo.

 Sukses nyo program beasiswa ko tantu indak lapeh dari bantuan dunsanak sadonyo. Sakironyo dunsanak mampunyai info manganai anak anak dikampuang nan butuh bantuan dana beasiswa, kami tarimo informasinyo di :http://sptt.cimbuak.net/component/option,com_contact/Itemid,36/ .  Dan kami dari Yayasan Palanta Cimbuak jo sanang hati manarimo jiko ado dunsanak nio bagabung mambantu program beasiswa ko. Samoga yang kito cita cita kan untuak mamajukan pendidikan bagi dunsanak kito dikampuang di ridhoi Allah SWT. Amiiin....

 Ket : penyerahan beasiswa kapado Yeni Artati oleh Ketua YPC Zamzamir (id cimbuak : abakpaja)

 Ket : penyerahan beasiswa oleh Wakepsek SMAN 1 Batang Anai

 Ket: SMAN 1 Batang Anai